Қысқа мерзімді жоспар

Автор разработки, статьи:
Физика пәнінің мұғалімі: Умарова Шолпан Асқарқызы
Наименование учреждения:
Жаңалық негізгі орта мектебі
класс:
7
Тип статьи:
Авторская

Пәні: Физика

Күні: 25.11.2015ж

Сыныбы: 7 «А»

Тақырыбы

Зертханалық жұмыс: Қатты дененің массасы мен тығыздығын анықтау

Мақсаты

Эксперименттік жұмыс жасау арқылы дененің массасын және тығыздығын анықтап үйренеді.

Күтілетін нәтиже

Таразы және мензурка көмегімен дененің массасы мен тығыздығын анықтай алды.

Эксперименттік жұмыс жасай отырып есептер шығара алды.

Дереккөздер, құрал-жабдықтар

Физика 7 сынып, авторлары:

1.Р.Башарұлы, У.Тоқбергенова, Д.Қазақбаева Алматы «Атамұра» 2012

2. Интерактивті тақта, карточка, қағаз, маркер.

3. Қант, сабындар, ағаш, таразы, мензурка, сызғыш.

Сабақтың барысы

Уақыты

Мұғалім әрекеті

Оқушы әрекеті

Ұйымдастыру кезеңі

5

Ынтамақтастық атмосферасын құру.

«Әр ұлтта амандасу» — түрлі түсті қағаз бойынша көрсетіледі.

Топқа бөлу.

Бағалау критерийлерімен таныстырамын.

Оқушылар тұрып бір-бірімен әр ұлтта амандасады.

3 топқа бөлінеді: масса, тығыздық, көлем. Топ басшысын сайлайды.

Топ басшыларына бағалау парақшалары беріледі.

Үй тапсырмасын сұрау

7

Үй жұмысын тексеру.

«Сұрақ — жауап» әдісі. Карточкамен жұмыс.

«Ой қозғау» әдісі:

Видео көрсетілім.

Оқушылар карточкадағы сұрақтар бойынша өз пікірлерін білдіреді.

Видеоны талқылайды.

Жұмыстың барысы

15

3

Жаңа сабақты хабарлайды.

III топқа әр түрлі тәжіреибелік жұмыс беріледі. Уақыт – 10 мин.

I – топқа тәжірибелік жұмыс:

Ағаш білеушенің тығыздығын анықтаңдар. Ол үшін сызғыштың көмегімен ағаш білеушенің ұзындығын, енін және биіктігін табындар.Ал таразының көмегімен массаны өлшеңдер.Осыдан соң ағаш білеушенің тығыздығын табыңдар. Кестені толтырыңдар.

II – топқа тәжірибелік жұмыс:

Кір сабын және иіс сабынның тығыздығын анықтаңдар. Сызғыштың көмегімен оның ұзындығын, енін және биіктігін табындар. Ал таразының көмегімен массаны өлшеңдер. Осыдан соң екеуінің тығыздығын анықтап, қортындысын салыстырыңдар. Кестені толтырыңдар.

III – топқа тәжірибелік жұмыс:

Бір кесе қанттың тығыздығын анықтаңдар. Таразыға қантты қойып, массасын анықтаңдар. Содан мензурка көмегімен көлемін тауып, тығыздығын анықтаңдар. Шыққан нәтижесін кестені толтырып, қорытныды жасаңдар.

«Сергіту сәті»

Оқушылар тақырыпты дәптерлеріне жазады

Топпен бірігіп жұмыс жасайды және қорытындылайды.

Қорытынды

12

Есептер шығару: Уақыт – 5мин

Әр топқа әр түрлі есеп беріледі.

Көлем тобына:

Массасы 2 кг, ал көлемі 200см3 металдың тығыздығы қандай?

Масса тобына:

Суы бар ыдыстың массасы 2 кг, ал тығыздығы 1000 кг/м3, онда ыдыстың көлемі қандай?

Тығыздық тобына:

Кірпіштің тығыздығы 1800кг/м3, ал көлемі 0,002м3 онда кірпіштің массасы қандай?

Бағалау: Бағалау критерийлері бойынша бағаланады.

Үй тапсырмасы:

Күш туралы қарастыру

Берілген есептерін топпен орындайды.

3 топтың топ басшылары балдық жүйемен топ мүшелерін бағалайды.

Рефлексия

3

Қағаздарды таратып беремін, бес саусақ пішінін салып және оны толтыруларын тапсырамын.

Алған әсерлерімен бөліседі

1.Не үйрендім?

2.Неден қиналдым?

3.Кімге көмектестім?

4.Нені білгім келеді?

5.Қандай жетістікке жеттім?

Бес саусақтар көрінісін салып, әр саусаққа кері байланыстарын жазып шығады.

«Ескелді ауданы әкімдігінің М.Байысов атындағы ОМ МДШО» коммуналдық мемлекеттік мекемесінде аудандық семинарда өткізген физика пәнінен

«Қатты дененің массасы мен тығыздығын анықтау» тақырыбы бойынша

РЕФЛЕКСИВТІК ЕСЕБІ

7 сыныппен физика пәнінен Зертханалық жұмыс №4 «Қатты дененің массасы мен тығыздығын анықтау» атты тақырыбына ашық сабақ өткіздім. Сабағымды ұйымдастыру кезеңінде оқушылардың психологиялық ахуалын туғызу үшін ынтымақтастық атмосферасынан бастадым. «Әр ұлтта амандасу» әдісі арқылы оқушыларға түрлі-түсті қағаз бойынша алақандар көрсетіледі. Оқушылар тұрып бір-бірімен әр ұлтта әр түрлі амандасып шықты. Содан кейін оқушыларды тақырыбыма байланысты 3 топқа бөлдім: 1-топ: «Көлем», 2-топ: «Тығыздық», 3-топ: «Масса» бөліп, өздеріне топ басшыларын сайлатып, топ басшыларына бағалау парақшаларына таратып, өздеріне топ мүшелерін бағалауға бердім. Үй жұмысын тексеру кезеңінде «Сұрақ — жауап» әдісі арқылы карточкадағы сұрақтарға барлық оқушылар жауап беріп шықты. Жаңа сабақты бастамас бұрын «Ой қозғау» әдісі арқылы тақырыпқа байланысты «Видео» көрсетілім көрсетіп, өздеріне талқылатып, жаңа сабақтың мақсатын хабарлап айттым. Содан III топқа әр түрлі тәжіреибелік жұмыс беріледі:

I – топқа тәжірибелік жұмыс:

Ағаш білеушенің тығыздығын анықтаңдар. Ол үшін сызғыштың көмегімен ағаш білеушенің ұзындығын, енін және биіктігін табындар.Ал таразының көмегімен массаны өлшеңдер.Осыдан соң ағаш білеушенің тығыздығын табыңдар.

II – топқа тәжірибелік жұмыс:

Кір сабын және иіс сабынның тығыздығын анықтаңдар. Сызғыштың көмегімен оның ұзындығын, енін және биіктігін табындар. Ал таразының көмегімен массаны өлшеңдер. Осыдан соң екеуінің тығыздығын анықтап, қортындысын салыстырыңдар.

III – топқа тәжірибелік жұмыс:

Бір кесе қанттың тығыздығын анықтаңдар. Таразыға қантты қойып, массасын анықтаңдар. Содан мензурка көмегімен көлемін тауып, тығыздығын анықтаңдар. Шыққан нәтижесін кестені толтырып, қорытныды жасаңдар.

Әр топ өздерінің тәжірибелік жұмыстарын кестеге толтырып, қорғап шықты. 2 топ жақсы қорғап, «Масса» тобы орташа қорғап, және топ басшылары мүшелерін бағалау парақшаларына бағалап отырды. Содан соң, «Кел, күлейік» сергіту сәтіне жасады. Сабағымды қорытындылау кезеңінде «Есептер шығару» тапсырмасында Әр топқа әр түрлі есеп беріледі.

Көлем тобына:

Массасы 2 кг, ал көлемі 200см3 металдың тығыздығы қандай?

Масса тобына:

Суы бар ыдыстың массасы 2 кг, ал тығыздығы 1000 кг/м3, онда ыдыстың көлемі қандай?

Тығыздық тобына:

Кірпіштің тығыздығы 1800кг/м3, ал көлемі 0,002м3 онда кірпіштің массасы қандай?

Әр топ өз есептерін берілген уақыт бойынша есептерін шығарып, тақтаға есептерінің шешімдерін жазып шықты. Бағалау кезеңінде 2 топ басшылары, 1 топ екі оқушыны – 5 баға, 3оқушыны – 4 баға, 2оқушы – 3 баға және 2 топ басшысы 3 оқушыны – 5 баға, 3 оқушыны – 4 баға, 1 оқушыны – 3 бағалармен бағалап шықты. Содан үй тапсырмасына «Күш» туралы реферат жазуға бердім, олар күнделіктеріне жазып алдым. Сабақтың соңында кері байланыс алу үшін «Бес саусақ» әдісін пайдаланып, мынадай сұрақтар арқылы алдым:

1.Не үйрендім?

2.Неден қиналдым?

3.Кімге көмектестім?

4.Нені білгім келеді?

5.Қандай жетістікке жеттім?

Осы сұрақтарға жауап бере отырып, оқушылар бес саусақтар көрінісін салып, әр саусаққа кері байланыстарын жазып шықты.

Оқушылардың кері байланыс парағында сабақты жақсы игергендігі, өз бетінше жұмыс жасағандарын, мұғалімге деген көзқарастың, бағасының жоғары екендігін байқады.

14.02.2016

Комментарии

Нет комментариев. Ваш будет первым!